АНОНС. На чарговае мерапрыемства ў свой літаратурны сад запрашае Гродзенская абласная навуковая бібліятэка імя Я. Карскага. Усіх зацікаўленых, захопленых мастацкім словам чакае яркае творчае свята з удзелам гродзенскіх літаратараў і бібліятэкараў, якое атрымала назву «Горад шчаслівых людзей», і будзе прысвечана вобразу горада Гродна. Сустракаемся 15 верасня на вул. Карбышава, 17. Пачатак у 15.00.
АНОНС. Шаноўныя сябры, на прэзентацыю сваёй новай кнігі «Я з таго пакалення» аматараў сучаснай айчыннай літаратуры запрашае ганаровы член Саюза пісьменнікаў Беларусі, ветэран узброеных сіл і літаратурнага руху, патрыярх паэзіі Прынёмання Браніслаў ЕРМАШКЕВІЧ. Сустракаемся 16 верасня ў Гарадской цэнтральнай бібліятэцы імя А. Макаёнка (вул. Савецкіх пагранічнікаў 51/2). Пачатак у 15.00.
КОНКУРС. Внимание: приём заявок на Международный литературный
конкурс «Русский ГлаголЪ» продлён до 25 сентября! Вся необходимая информация о престижном творческом состязании авторов, живущих за пределами России и пишущих на русском языке,
размещается на официальном Интернет-сайте. Желаем удачи, друзья!
НАВІНКІ КНІГАВЫДАННЯ. У мінскім кніжным выдавецтве «Белпринт» пабачыў свет новы зборнік айчыннай паэзіі. Яго аўтар член Саюза пісьменнікаў Беларусі, гродзенская паэтка
Вольга АЛІЗАР. А называецца кніга вершаў –
«Карункі жыцця». Гэта чацвёртая па ліку кніга ў бібліяграфіі нашай калегі.
Больш падрабязная інфармацыя пра кніжную навінку – тут.
ЛІТШКОЛА. 9 верасня адбыўся чарговы семінарскі занятак у створанай пісьменніцкай арганізацыяй Прынёмання Грамадскай літаратурнай школе. Як і папярэдні, семінар
«Прэзентацыя творчасці. Крок 2» быў прысвечаны падрыхтоўцы да запланаванай на бягучы год прэзентацыі нашага грамадска-адукацыйнага праекта.
Чытаць больш, глядзець фота – тут.
НАВІНКІ КНІГАВЫДАННЯ: «Эльдарада просіць дапамогі».Сярод аўтараў зборніка – член СПБ, лаўрэат Прэміі імя А. І. Дубко, празаік, драматург
Аляксей ЯКІМОВІЧ (Слонім). У зборніку змешчаны хрэстаматыйныя творы вядомых айчынных і замежных пісьменнікаў, уключаныя ў курс школьнай праграмы па беларускай літаратуры для сярэдняй школы, падборкі вершаў нашых паэтаў на тэмы Вялікай Айчыннай вайны і Года беларускай жанчыны,
паведамляе сайт выдавецтва «Мастацкая літаратура».
ГРОДЗЕНСКАЕ ТБ ПРАДСТАЎЛЯЕ. У студыі тэлепраграмы
«Бодрое утро» (ТРК «Гродна», Беларусь 4) – старшыня Гродзенскага абласнога аддзялення Саюза пісьменнікаў Беларусі, заслужаны дзеяч культуры Рэспублікі Беларусь
Людміла Антонаўна КЕБІЧ. Тэма гутаркі – XXXIII Дзень беларускага пісьменства ў Касцюковічах.
Глядзець на міжнародным відэахосцінгу YouTube.
КАСЦЮКОВІЧЫ: рэфлексіі. Уражаннямі ад удзелу ў XXXIII Дні беларускага пісьменства дзеліцца член СПБ, празаік, публіцыст, вядомы журналіст
Ніна РЫБІК (Астравец). Фотарэпартаж Ніны Аляксееўны прапануе нашай увазе газета «Астравецкая праўда», чытаць, глядзець фота –
на сайце рэгіянальнага перыядычнага выдання.
КАСЦЮКОВІЧЫ. 5 і 6 верасня дэлегацыя Гродзенскага абласнога аддзялення СПБ удзельнічала ў мерапрыемствах ХХХІІІ Дня беларускага пісьменства. Нашы калегі выступілі ў павільёне Гродзенскай вобласці, у канцэрце СПБ (паэт і спявак Андрэй Татур), атрымалі ўзнагароды рэспубліканскіх літаратурных конкурсаў, у тым ліку Нацыянальную літаратурную прэмію (Дзмітрый Радзівончык у намінацыі «Лепшы твор літаратурнай крытыкі і літаратуразнаўства»).
Падрабязнасці паведамляе газета «Гродзенская праўда» тут
і тут.
ВІНШУЕМ наш родны і ўсімі любімы горад Гродна з 898-годдзем. Шчыра прызнаемся сталіцы Прынёмання ў нашых самых светлых, узнёслых пачуццях да яе багатай гісторыі і культуры, непаўторнага шарму і чароўнай казачнай атмасферы. Жадаем гродзенцам і шматлікім гасцям шчасця, здароўя, божай ласкі і мірнага неба над галавой. Няхай гродзенскія вулачкі натхняюць нас на стваральную працу яшчэ шмат гадоў.
З ДНЁМ НАРАДЖЭННЯ, ГРОДНА! «Лепшы горад Зямлі». Зборнік літаратурна-мастацкіх твораў,
чытаць.
Урокі з пісьменнікамі. На старце новага навучальнага года ў рамках патрыятычна-асветніцкага праекта
«Жывое слова. Урокі з пісьменнікамі» (ініцыятар пісьменніца-педагог Ю. А. Чамярыс) у Гродзенскай гімназіі № 6 імя Ф. Э. Дзяржынскага выступіў ганаровы член Саюза пісьменнікаў Беларусі, паэт
Браніслаў ЕРМАШКЕВІЧ.
Падрабязнасці – у фотарэпартажы.
НАВІНКІ КНІГАВЫДАННЯ. У Выдавецкім доме «Звязда» (Мінск) пабачыла свет новая кніга для дзяцей. Аўтар зборніка вершаў на беларускай мове пад назвай
«Котка Вуска – беларуска» наша шаноўная зямлячка, паэтэса
Людміла КЕБІЧ (Гродна). Больш падрабязна пра новую кнігу Людмілы Антонаўны,
калі ласка, чытайце тут.
ГАЗЕТА «ЛІТАРАТУРА І МАСТАЦТВА». «Шчыраваць самой і натхняць іншых». Да юбілею старшыні Гродзенскага абласнога аддзялення СПБ, заслужанага дзеяча культуры Рэспублікі Беларусь Людмілы Антонаўны КЕБІЧ у газеце творчай інтэлігенцыі Беларусі, папулярным штотыднёвіку «ЛіМ» было апублікавана інтэрв’ю з пісьменніцай.
Вашай увазе прапануецца яго інтэрнэт-версія.
РАТОМКА. «Значит, есть искатели порывов поэтической души…». 22 августа в посёлке Ратомка, что в Минской области, Минском районе, состоялся ХІІ Фестиваль светской духовной песни и поэзии с красивым названием
«За солнцем вслед». Союз писателей Беларуси на фестивале представляла автор и исполнитель песен, поэтесса
Надежда САЛЕЙКО (Слоним). Наша коллега поделилась своими впечатлениями от творческого форума;
читать, смотреть фото – здесь.
БАРАНАВІЧЫ. Працягвае свой юбілейны тур старшыня Гродзенскага абласнога аддзялення Саюза пісьменнікаў Беларусі, заслужаны дзеяч культуры Рэспублікі Беларусь, вядомая беларуская паэтэса, празаік
Людміла Антонаўна КЕБІЧ. Гэтым разам пісьменніца прыняла запрашэнне і сонечным жнівеньскім днём завітала ў госці да настаўнікаў горада Баранавічы.
Падрабязнасці з месца падзеі – у фотарэпартажы.
КОНКУРС. Уважаемые коллеги, внимание! Объявлено о проведении открытого литературного конкурса имени Кирилла Туровского «В гармонии с собой и миром». Творческое состязание проводится Общественным Советом по нравственности в лице Республиканского религиозного объединения «Белорусская Православная церковь» и Общественного объединения «Союз писателей Беларуси». Заявки принимаются с 1 сентября по 15 декабря 2026 года.
Вся необходимая информация – здесь. Желаем всем удачи!
25 жніўня ў бібліятэцы № 6 горада над Нёманам выступіла наша калега па СПБ, вядомая дзіцячая пісьменніца
Ганна СКАРЖЫНСКАЯ-САВІЦКАЯ. Пазнаёміцца з аўтарам і яе героямі прыйшлі выхаванцы дзіцячага сада № 57. Ганна Іосіфаўна зачытвала ўрыўкі з твораў, распавядала смешныя гісторыі, дзялілася сакрэтам, як ствараюцца кнігі, адкуль бяруцца сюжэты для іх і чым яна захапляецца ў вольны час. Сустрэча была карыснай і пакінула светлыя ўражанні,
інфармуе сайт ДУК «ЦБС г. Гродна».
Устав СПБ 
